Quanto tien de buddhista l stoicismo?

Audio

La miâ tsarra n Stoicon 2018 basou-se n parte nel mîou lhibru Mas que felicidá: Saber buddhista & stoicu n una dómina scéptica. Siendo you mesma una persona scéptica, interessada quantíssimo ha ya pol buddhismo & pol stoicismo, sí q’ansi n sin ser quien a acceita’ los principios mas metaphýsicos que se y amarren, interessaba-mi discobri’ lo que ye possible deixar al discartar aquelhos aspeitos mas metaphýsicos. Mal seríen a penes delhos conseyos pol amor ser mas feliz, talque ye da vezo l casu nes versiones mas populares de buddhismo & de stoicismo? Ye lo que passa frequentemente cun la concentraçon.

La miâ intuiçon yera tener d’haber mũîtho mas que traher a les nuœsses vides. Tamien tenía interes n explora’ les semeyances & differencies ente les tradiçones. Claro que la perspectiva a la q’aportei ye la consequencia d’una pesquisa personal. Outros egual opten por infocar aspeitos differentes. Sí q’ansí, presta-mi pensar que tanto los philósophos stoicos cumo l Buddha approbaríen essi typu d’approximaçon questionadora, quantos & mas lhevando a conclusiones contraries a les tradicionales.

buddha medita

Contextu históricu

La question d’una potencial transmission directa d’idees philosóphiques de Grecia a India ou viceversa ye per-intrigante, sí q’ansí les evidencies habides son per-limitades. Una maneira de pensar n elho ye, cumo Stephen Batchelor ãpunta, nun haber Oriente nin Occidente d’aquelha, & l area ente Grecia & India nos sieglos V & IV iC ser in mũîthos aspeitos “una sphera cultural única & interactiva”. L area occupou-la primeiro l imperio persa & lhœw l imperio d’Alexandro Magno, & houbierun haber canales de transmission cultural per itinerarios diplomáticos & commerciales.

Una de les pouques couses que se saben ye que l philósophu scépticu griegu Pyrrho d’Elis fhoi a India cun Alexandro Magno, in 334 aC. Elhi nun scribîu nada, sí q’ansí diz-se que trouxo de vuœlta una philosophía d’agnosticismo & suspension del xhuizio teniendo cumo meta la tranquillidá. Allegou-se derivase estes idees directamente del buddhismo inicial.

Semeyances

Ye nidio que ha hi mũîthes differencies ente buddhismo & stoicismo, solo q’ende vou concentrame n delhes de les semeyances que m’avulten mas impressionantes. La semeyança commun ye l diagnósticu de la condiçon humana. La voz buddhista que la define (que tamien ye la primer “noblre verdá”) ye dukkha: Suffrir ou insatisfacçon. La descripçon de dukkha ye esta:

nacer ye dukkha,
avieyar ye dukkha,
amalecer ye dukkha,
morrer ye dukkha;
unir cun lo que ye disagradable ye dukkha;
dexebrar de lo que ye agradable ye dukkha;
nun algama’ lo que se quier ye dukkha.

La idea principal ye que la insatisfacçon ye inseparable de la vida. Nun dá mas tener una vida óptima, todos van tene’ lo que nun se quier & eventualmente perde’ lo que se quier & se desea. Ansí, al da’ la fhorma de como ye la realidá (impermanente & dukkha), anda-se da fheitho nel inganhu al pensase, cumo se fhai da vezo, que les couses del mundo son a fhaenos felizes ou a determina’ la nuœssa infelicidá. Nel buddhismo, esses couses conhocen-se cumo les oîtho condiçones mundanes:

  • ganhancia & perdiçon
  • fama & discrédito
  • aplausu & culpa
  • presto & dolor

Los stoicos staben per-comfortables cun la vision de que l apegu a les couses del mundo ye equivocau. Diogenes Laertius deixou-nos l elenchu que vien d’indifferentes stoicos (que da erroneo se consideren bonos ou malos):

Vida, salude, presto, belheza, fhuœrça, riqueza, fama & nacemiento noblre, & los sous oppuœstos, muœrte, malura, dolor, fealdá, flraqueza, probeza, ignominia, nacemiento baxo &c.

Metáphores médiques

Intrambes tradiçones víen-se cumo un typu de cura pante essi inganhu. & Por describilo, intrambos adoptarun lo que se y podría tyamar metáphores médiques. Lo parallelo ye pa cun explicaçones médiques d’afflicçones phýsiques. Por exemplo, una infecçon causada por bacteries & l procedemiento therapéutico ye reduzi’ la suâ quantidá tomando antibióticos, restaurando ansí la salude. De maneira paecida, la dolencia q’intrambes tradiçones vierun cumo obiectivu ye, in términos amplios, el Suffrir humanu; la causa ye al cabu la ignorancia de como les couses realmente son & lo que ye da verdadeiro valioso na vida, lo que vien expresso n anxia & n apegu a les couses mundanes; la cura ye anda’l camin; el stau saludable ye l intendemiento & l disapegu, que lheven a la tranquillidá.

stoicismo

Particularmente, pante los stoicos, la malura son los xhuizios erroneos q’attribuen el bien ou l mal a outres couses alhende la virtude ou l vicio (& que son inseparables de les emoçones, que son cumo los sýmptomas de la malura), & la philosophía ye la cura.

Nel buddhismo existen les quatro vipallāsas, ou distorsiones de la percepçon:

Sentiendo dal cambio nel cambio
Sentiendo presto n suffrir
Assumiendo ego u ego nun ha hi
Sentiendo lo disagradable cumo agradable.

Había-se de, evidentemente, fhae’ l oppuœsto: appreciar ser todo impermanente, valreiro de si mesmo & inseparable del Suffrir &, por tanto, apercibir que lo que paeç amable na superficie, realmente nun lo ye.

Therapia

Magar considerase intrambes tradiçones cumo therapia ou cura, ye meyor nun tomar esses pallabres per-litteralmente n se tratando de psychotherapies contemporanees. Ye nidio haber connexiones ente esses tradiçones & approximaçones psychotherapéutiques modernes. Cung esso & cung todo, lo que yos significou “therapéutico” nun ye lo mesmo que significa pante nós. El sou fin nun yera simplemente sentise meyor ou funccionar meyor, ou mesmo cutir dél status mental specíficu. Lo que yos interessaba yera intender como les couses realmente son & actuar a comunya cun essi intendemiento, intos daqué mas cumo vivir sinceramente.

Felicidá

Outra semeyança ente buddhismo & stoicismo ye q’intrambos son roceanos cun lo que ye possible tyamar felicidá commun, resultante de la satisfacçon de les nuœsses anxies & de les couses que van bien nel mundo. Por exemplo, Seneca scribe que la allegría basada n couses externes anda constantemente minaçada por transformase n Suffrir:

Mũîthes vezes diz-se de star per-felices pol fheithu de tenerse electa una persona consul, ou q’outra casara ou que la sposa de sou diera a lhuz, eventos que, lhuœnye de ser causa d’allegría, frequentemente son l intamu de la tristeza futura.

De la mesma fhorma, el Sutta Nipāta diz:

Lo que los outros tyamen felicidá, los noblres tyamen-lo lhaceîra.

Ha hi verdadeira allegría & felicidá n intrambes tradiçones, allegría que ye mas infhotadoura & duradoura, solo que nun s’atopa u normalmente se y anda a la geta. La verdadeira allegría ye un subproductu d’outres couses, & les principales q’incontrei son estes:

  • Conducta éthica
  • Introspecçon & comprehension
  • Stahos meditativos (principalmente n buddhismo)

Elementos communes

Ye interessante ãpunctar una formulaçon del camin buddhista a esses mesmes fhasteires cumo les fundamentales que disinvolver:

  • Sīla (moral ou acçon éthica)
  • Samādhi (concentraçon ou meditaçon)
  • Pañña (discernimiento ou sapiencia)

Delhos studiosos argumentarun ser sila & pañña los elementos essenciales. Les duês describen-se cumo per-interdependientes:

Ansí cumo duês manos se lhaven, la sapiencia purifica-se pola moral, & la moral purifica-se pola sapiencia: unde una anda, la outra anda, la moral tien sapiencia & la xhente sabio tien moral, & la combinaçon de moral & sapiencia tyama-se la cousa mas elevada l Mundo.

Ansí cumo duês manos se lhaven, la sapiencia purifica-se pola moral, & la moral purifica-se pola sapiencia: unde una anda, la outra anda, la moral tien sapiencia & la xhente sabio tien moral, & la combinaçon de moral & sapiencia tyama-se la cousa mas elevada l Mundo.

Disinvolver introspecçon adiuda a identifica’ la cousa cierta por fhaer, ansí cumo trabayar nes nuœsses actitudes morales adiuda a ve’ les couses de maneira ménos egocéntrica. Outra vez, existe una interrelaçon semeyante n stoicismo.

El tercer elemento ye samādhi. Egual paeç que nun tien un parallelo n stoicismo, sí q’ansí mal se tien que fhoçar pela superficie a penes pa ver que passa. Nos textos samādhi refier-se principalmente a stahos de concentraçon, solo que ye un términu ampliu que ye a significar meditaçon mas abiertamente. Walpola Rahula, auctor de Lo que l Buddha apprehendîu, traduz-lo quantos & mas por “disciplina mental”. Ha hi tamien outra pallabra nos textos buddhistas, bhāvana, que se refier a exercicios mentales & spirituales que se destinen a cultivar stahos benéficos. Elho comprehendía couses cumo ver & recita’ los textos & paeç promptamente comparable a l askēsis stoica.

Traduziendo-lo cun delhes vozes mas actuales, podría dizise que los elementos d’una vida bona son: tener vision nidia, vivir ethicamente & una práctica diaria que sofhite esses metes. Nós nun habemus concordar cun buddhismo ou stoicismo por cultivar cada un d’essos medios exactamente, d’outra parte ye possible ver aina ser nós stayes importantes a fin de disinvolver una bona vida, & ser independientes de qualquier bon Sentir wœnyando d’elhos. Seneca tien una bona comparança:

Ansí cumo n una senra que se lhabrou pal pan, delhes flrores spoyeten pente l medio, todu essi trabayu nun se realizara por aquelha pequenha planta, magar que preste a la vista … ansí tamien, el presto nun ye la recompensa ou l motivu de virtude, ma un accessorio.

Vision nidia

Ermana n buddhismo & n stoicismo, vision nidia ye apprehender a sfhoutase de les appariencies inganhoses & valoriza’ les couses de maneira adequada. Nel stoicismo, elho significa appreciar se’ la virtude l únicu bien & l únicu mal, & opponese a los xhuizios erroneos (que tamien se conhocen por emoçones) d’haber outres couses bones alhende la virtude. Nel buddhismo ha hi puntos de vista complexos de puntos de vista, sí q’ansí nun ser quien a ve’ les verdahes de dukkha, impermanencia & non-ego diba ser nidiamente un puntu vista per-errau.

Que podría significanos? Que s’ha de valorizar? Ta un ciertu puntu, ye pante cada un de nós pensar por nós mesmos. Pante min vision nidia tien q’involucrar acceitar dukkha, impermanencia & falta de control cumo axiomas na nuœssa vida, &, por tanto, tienen que se selecciona’ los nuœssos valores cun precauçon, questionando daqué de les anxies mas superficiales que tenemus.

Buddhismo & stoicismo tiraben pel ascetismo. Inxertaría-y you mas de la nuœssa naturaleza corporificada & de la experiencia emocional na bona vida. Ha hi couses teniendo gran importancia nes nuœsses vides & han valorizase cun plena appreciaçon de la impermanencia de so, talque relaçones cun la xhente. Sí, valorizar esses couses deixará-nos mas vulnerables al Suffrir, sí q’ansí avulta un precio que se mereç pagar por una vida mas rica.

Cun pallabres mas vastes, ver nidio vaî de pensamiento crítico, valorizando la razon, getando evidencies, cultivando la indagaçon, la conscientizaçon, la reflexion & la honestidá intelectual. Tamien vaî d’un scepticismo saludable & humildá, de catase cun sigo l tene’ los nuœssos poderes límites & haber mũîtho del mundo & de nós mesmos que da probable nun se sabrá nunca. N esto podríamus segir a Marcus Aurelius, que scribîu: “Les couses anden invuœltes n un velo de mysterio incontrando mũîthos bonos philósophos impossible l atopayos el sou xacíu“.

Viviendo Éthico

El segundu elemento l camin buddhista ye la éthica. Ye nidio ser esta tamien una parte central del camin stoicu, por ser virtude synónyma de vivir a comunya cun la nuœssa naturaleza racional. Intrambes tradiçones tienen un ideal éthicu per-altu. Tanto a la xhente sabio q’a la persona spierta considera-se que tienen internalizada la moral de fhorma tala que los sous xhuizios morales son siempre correctos & appropriahos, & que yos fluen les acçones sanes siempre n sin sfhuœrçu. Nel buddhismo, la persona spierta supperou da fheitho les trés “raizes gafientes” de la culdicia, de l aversion & de la illusion, & mal actúa intos a partir de los sous oppuœstos — disapegu, bondá & sapiencia.

Ha hi varies perspectives que se son a extraher a essi respeito, por exemplo, la importancia de les intençones. Nel buddhismo ha hi un conceitu d’acçones benéfiques, que son aquelhes que tienen consequencies benéfiques ente nós & nos outros, & estes tienden a ser acçones que nun les affecta nin culdicia, nin aversion nin inganhu. Resume-se todo intos n intençones.

Tamien nel stoicismo ye importante actuar cun una intençon virtuosa, cumo na famosa comparança del arqueiru: interessa cutir na diana & fhaer cumo meyor fher possible; lo que passa n deixando la flretsa l arcu anda a fhuœra l nuœssu control. Seneca scribe que quando…

…una persona sienta cabo un amigu amalecidu, s’apruœba. Sí q’ansí fhaelo por causa d’una herencia torna-la una utre aguardando un cadávere.

Outra maneira de pensar n elho ye n términos de qualidahes ideales, & una central ye la compassion.

Compassion

Nel buddhismo, la compassion emphatiza-se fhuœrtemente. A comunya cun los textos, Buddha concordou n educar por compassion, magar ser da intamo reluctante. La compassion anda fhuœrtemente relacionada cun la bondá, de todeles maneires nun anda per-nidio definida nos textos, que mũîthes vezes se sofhiten n histories:

Pon-se daquien n una lharga travessía mal & exhausto. Anda solino ente dous vilhares, intrambos per-distantes. Daquien apaeç &, al velo, razona que si quien camina doliente s’acompanyare a un vilhar & recibier alimento & remedio, da fheitho que se diba recuperar.

La missiva ye que ha hi que se preoccupar por tornar a outra xhente lhibre de suffrir. Non obstante la compassion tien una cara ingidiyada, porque mortificase mũîtho cun suffrir ye a lhevar a stahos mentales aviersos & malsanos. Les minaçes de la compassion sentierun-se inda mas fhuœrte n stoicismo, u la compassion da vezo involucraría un xhuizio de passay daqué malo a daquien, & nes mas de les vezes elho diba ser un xhuizio defeituoso.

Si un siente compassion polos méndigos del camin, por exemplo, ye probablemente por pensar q’anden n una mala situaçon. In términos stoicos, ye una emoçon que, cumo outres emoçones, revela un pensamiento erroneo del valor de los indifferentes. Ansí cumo nel nuœssu propriu casu, nun ye appropriaho sentir dolor cumo consequencia de les couses diendo mal pel Mundo – por nun ser da veres nin bones nin males — pola mesma razon nun ye appropriaho suffrir cabo outra persona. Epictetus incamienta nun pensar n un consul cumo home feliz, ou n un probe cumo infeliz:

Todo esto son xhuizios & mas nada; & xhuizios que conciernen couses a fhuœra de la nuœssa elecçon.

N intrambes tradiçones, ye importante preoccupase pol bienstar de los outros & motivase a fhae’ lo que fhuer possible adiudando a outros a zafase de suffrir. Sí q’ansí la compassion tien falta trata-se cun precauçon. Nel stoicismo, ser xhente compassivo sin investir in xhuizios equivocahos significa catar que lo que ye malo nun ye la situaçon real, ma la comprehension del fheithu fheitha pola persona que suffre. Nel buddhismo tienen-se de combattir sentimientos aviersos, practicando compassion sin apegu, cumo l propriu Buddha. La compassion, por tanto, tien que s’intender mas cumo una preoccupaçon levemente disconnectada de qualquiera cousa cumo “sentir cun”. Ye por esso q’elho tien falta d’andar elho mano a mano cun la equanimidá.

Equanimidá

La equanimidá ye un fin central tanto del buddhismo cumo del stoicismo. Los stoicos gastaben el términu apatheia refiriendo-se al sou ideal de ser lhibres de passiones. Tien un aquel a la upekkha n buddhismo, refiriendo-se a la sensaçon de ve’ los acontecemientos del mundo cun una consciencia equilibrada, sin s’involucrar mũîtho nos altos & baxos de les oîtho condiçones mundanes. Ye importante salientar que la equanimidá se valorizara non por causa l status mental in si, ma por evidenciar una comprehension verdadeira del mundo. Cumo la compassion, la equanimidá anda minaçada por poder corrompese, n esti casu por indifferencia &, por tanto, tien falta atemplra-se pola compassion.

Equanimidá compassiva

Compassion & equanimidá son complementares & han disinvolvese xhuntes, cumo una specie d’equanimidá compassiva. Esti Concasar de compassion & equanimidá ye un pouco extranyu, por haber una tension ente retiru & compromisso. Epictetus defendîu-lo diziendo ser dél disapegu da veres essencial pal sentimiento de companyeirismo, puœis al permittir al amor, por exemplo, continua’l sou cursu natural, ye a tornase no oppuœsto. Pante min ye una question abierta si esto ye realmente viable, ou si la empathía inevitablemente involucra apegu & deixa a un vulnerable al Suffrir, ansí cumo qualquier typu de tranquillidá completa ye susceptible d’acabar n indifferencia.

Si d’outra maneira se garra l ideal de la equanimidá compassiva cun un tsiscu de sal, podran-se adoptar por nós da fheitho les duês qualidahes cumo inspiraçon, por per-necessita’ los mas de nós na práctica traher mũîtha mas bondá & mas consideraçon a les nuœsses vides.

Práctica spiritual

Los nuœssos vezos mentales entemecen-se & son difficiles de camudar. Quantos & mas al saber que todo ye impermanente & nun haber cousa mundana que nos seya a dar satisfacçon duradoura, inda ye diffícile nun cata’ les couses d’outra fhorma. Ye polo que nos fhai falta daqué typu práctica spiritual (el tercer elemento l camin).

Seneca, por exemplo, scribîu:

Ansí cumo delhos tinctes aina s’absorben pola lhana, & outros solo de puœis de repetir periodos d’immersion & fhervura, existen daqué studios que s’aproveithen bien nes nuœsses mentes mal a penes s’apprehenden; estos, sí q’ansí, han caltrianos da fheitho. Tienen que s’absorber, dando non solo un matiz de color, ma una color real profunda, d’outra maneira elhos nun seran a complrir dala de les promesses de sou.

Tanto buddhismo cumo stoicismo sabíen q’a fin de cuti’ la transformaçon fhonda que getaben lhœw de la comprehension intelectual elho nun yera abondo, ansí que l entreinamiento práctico yera parte integrante l camin. Nel buddhismo habíen differentes typos de meditaçon & una práctica formal de meditaçon, ente que n stoicismo, ta unde se sabe, la práctica involvía mas couses cumo mirar & memorizar textos, reflexiones diaries & visualizaçones, pol amor d’incorporar da veres los principios a la vida diaria.

In términos concretos, el primer fin d’esta práctica diaria ye tornase mas consciente de los contenidos de la nuœssa mente, particularmente les evaluaçones iniciales embryonaries de lo bono & de lo malo que normalmente anden a fhuœra de la nuœssa consciencia. Nel buddhismo, por exemplo, elho involucra apprehender a captura’ lo que da vezo se yos tyama “sentimientos”, ou reacçones immediates a couses in términos de bono, ruino & neutro. Similar a les “impressiones” stoiques del mundo, que nos dizen que les couses a fhuœra l nuœssu control son bones ou males, & que hemus dir por elhes ou evitales.

Si s’apprehende a danos cuœnta d’essos impulsos, podrá-se meyor distancianos d’elhos & evitar actuar por elhos automaticamente, tenrá-se por tanto tamien mas probabilidá de responder a les couses d’una maneira mas racional & equilibrada. Ser quien a fhaelo da cierto podía senos útile a qualquiera de nós, ya que na mayor parte l tiempu tiende-se a actuar cun base n patrones habituales & valores & impulsos irreflexivos.

Fhaelo requier disinvolve’ lo que ye possible tyamar conscientizaçon. Podría vaganos mũîthu tiempu fhalar de les mũîthes definiçones de conscientizaçon, non obstante nel fhondo ye una maneira de dase cuœnta, una téchnica usada de fhorma differente n differentes práctiques de meditaçon buddhista. Existen varies comparançes d’essa téchnica nos textos buddhistas. Una ye la d’un vaqueiru observando les suês vaques a distancia. Outra ye la del guarda de les puœrtes d’una vilha. Da nuœvo, esso tien un parallelo n stoicismo. Epictetus, por exemplo, diz que l philósopho “aguaita-se a si mesmu cumo a un inimigu n una armadiya”.

Cun l attençon plena ye possible adiudar a automatiza’ les respuœstes habituales. & Esta ye la base l comportamiento éthico, por danos la opportunidá de responder al crear essi spacio ente impulsu & reacçon a les couses cun bondá & sapiencia, in cuœntes de culdicia, aversion & inganhu. Ye nidio que ye diffícile, & ye polo que nos fhai falta práctica (que ye possible ser, magar nun tener falta, una meditaçon formal). Ye una cousa que ciertamente nos diba ser útile a los mas d’ente nos, nes nuœsses vides diaries.

Antonia Macaro ye una psychotherapeuta exsistencial cun interes de lharga data tanto n Buddhismo cumo n stoicismo. Ye auctora de Razon, Virtú & Psychotherapia. El sou lhibru mas flammante, More than Happiness: Buddhist and Stoic Wisdom for a Sceptical Age publica-lu Icon.

Fhonte