L Apuœsta de Pascal

Apuœsta de Pascal: crehiendo n & diendo a por kryptonita — pante l casu Superman exista & quiera matavos.
L Apuœsta de Pascal ye un argumento q’affirma tener que s’infhoutar unu n Dîous, independientemente de si la existencia de Dîous nun ye a ser probada ou refutada pola razon ou non.

Materies

L apuœsta primitiva de Blaise Pascal fhoi un paràgraphu abondo curtiu n Pensées ente varies outres notes que podríen ser considerades “apuœstes”. [1] El sou argumento basa-se na theoría l xhuœw & n que l meyor cursu d’acçon ye infhoutase n Dîous, independentemente de qualquiera falta d’evidencia, por offrecer essa opçon les mayores ganhancies potenciales. El textu primitivu de Pascal ye lhargu & scriptu cun una philosophìa un tanto ingidiyada, [2], sì q’ansì ye a ser distillada cincielho:
 
 
  1. Si se tien infhoutu n Dîous & Dîous existe, arrecompensarà cun vida eterna n cielo: ansì, una ganhancia infinita.
  2. Si se tien sfhoutu n Dîous & Dîous existe, condemnarà a remanecer n Infierno per siempre: ansì, una perdiçon infinita.
  3. Si se tien infhoutu n Dîous & Dîous nun existe, nun arrecompensarà: por tanto, una perdiçon insignificante.
  4. Si se tien sfhoutu n Dîous & Dîous nun existe, nun arrecompensarà, non obstante vivirà-se la propria vida de so: por tanto, una ganhancia insignificante.
L Apuœsta tamien ye possible vela n fhorma de schema & queda nidio que l infhoutu dà una recompensa ou (practicamente) nada, ente tanto l sfhoutu dà puniçon ou nada:
 
Dîous existe
Dîous nun existe
Infhoutu n Dîous
ganhancia infinita n cielo perdiçon insignificante
Sfhoutu n Dîous
perdiçon infinita n infierno ganhancia insignificante
l Apuœsta de Pascal fhai una serie d’assumpçones de la realidà, & una riestra de presuppuœstos theologales del Dîous que defende. Si qualquier unu d’estos ye a demonstrase falsu ou dispreziable, intos el Poder de l apuœsta determinando les acçones & l infhoutu dalgien inflraqueç-se severamente — de facto, l argumento l apuœsta ye a arrevertise n delhos casos & ye a podese argumentar por incredulidà. Estos casos decurren principalmente de les implicaçones theologales de l applicaçon de l Apuœsta a fin de tener fe n Dîous, in cuœnta de los attributos que s’apresenten de la theorìa l xhuœw & del processu de toma de decisiones. Les ganhancies & perdiçones que s’associen a les consequencies 3 & 4 consideren-se eventualmente los costos d’opportunidà d’apparentar infhoutu & vivir segun les normes dogmàtiques, una vez q’estes son typicamente mas restrictives que les lheys seculares. Estos costos son finitos por causa de la mortalidà humana. Mathematicamente, una ganhancia ou perdiçon finita ye insignificante n comparança cun una ganhancia ou perdiçon infinita cumo serìa incurrida n una vida eterna tres la muœrte. Por tanto, Pascal determinou ser una eleiçon mũîtho meyor infhoutase n Dîous in cuœntes de nun lo fhaer.
 

Mal

Ha hi varies maneires poles que l Apuœsta ye a ser considerada cumo promotora l mal.
 

Interes propriu total

L Apuœsta assume q’a un fiel solo y importarà maximiza’ les suês propries ganhancies.
 
Mas preoccupante q’esto son occasiones u se nos podrìa tyamar theoricamente pidiendo-nos mancar daquien por fhaenos progressar na nuœssa adoraçon del ente superior. Esso y dà outru aspeitu al argumento de que l Apuesta de Pascal emphatiza fe sobre mèritu, puœis indica que la xhente maligno ye quien a ganhar recompensa & evitar castigu simplemente pola fe. Nel Vieyu Testamento, ha hi innùmeros casos u los adoradores houbierun de mancar & matar a outra xhente cumo lo mandara Dîous. De facto, ha hi occasiones u Dîous anda extremamente discontento por nun se lheva’l abusu a outros humanos mas lhuœnye. Mesmo usando la mètrica de l Apuœsta, ye-se a argumentar ser mas moral resjstise a essos mandamientos por causa d’outra xhente, magar resultanos in perdiçon infinita.
 
Una vegada mas, podía-se demonstrar na tierra que xhente malo que fhai couses males inda ye possible que professe una fe — Pascal, por tanto, indica ser essa xhente digno de ganhancia infinita, & los atheos indiquen insolentemente q’andar cabo aquelhos q’anden in cielo nun anda vendiendo bien abondo todo l aquel de la fe.
 

El casu moral de los nenhos muœrtos

Si se yos intruga a la mayorìa los christianos si los nenhos muœrtos quando per-pequenhos diran al cielo, van dizir que sì. Intos, serìa mas razonable matar a los fhiyos quando pequenhos (specialmente por se’ los nenhos de wœy mũîtho mas propensos a tornase atheos), in cuœnta d’arriesgase a que deixen la fe christiana.
 

Problema l mal

Si, cumo l Apuœsta de Pascal tien d’assumir, Dîous anda dispuœsto a castiga’ la xhente bœno simplemente por falta infhoutu, esso impedirà que Dîous seya “bono” de qualquiera maneira pola q’intendamus el conceptu de “bono” — & “bono” ye una necessaria propriedà de Dîous, polo mènos cumo s’intiende pol christianismo. Cumo se ye a demonstrar na tierra que fe specífica dala tien el monopolio de xhente bœno & moral, un dîous que fhai que l Apuœsta de Pascal seya vàlida nun ye possible que se concentre na disseminaçon del bien per todo l mundo. Delhes contestaçones a l Apuœsta de Pascal sofhiten q’andar a constante disposiçon de la tyamada d’un ser tan nidiamente maligno diba ser mènos preferible al Infierno, & por elho ye meyor nun tener fe.
 

Multitheìsmo

La mayor ironìa de l Apuœsta de Pascal, qua apologëtica christiana ye que, mesmo si tyigare a ser correcta, tornarìa-se aina n un gran disincentivu si se quexhier convertir a daquien imparcial a adorar YHWH specificamente. Por definiçon, adora’l Dîous xhudaico-christiano requier que l adorador niege activamente la existencia de qualquiera outra divinidà ou deidà potencial pol amor de la intolerancia que sal del Primer Mandamiento. N absencia d’evidencies d’una deidà specífica, el theìsta potencial meyor sería que s’orientare pel camin dalgun cultu d’una ou mas deidahes propuœstes que nun requieran adoraçon exclusiva. L Apuœsta de Pascal ye una base de la laudatoria christiana (in cuœnta ser un xibolete que ha negase cumo seya) que ye a ser vista cumo un casu de dissonancia cognitiva que wœnya de la prebenda christiana.
 

Cifra infinita de dîouses

In tèrminos bayesianos, esto ye a affirmase diziendo que los infieles attribuyen probabilidahes uniformes anteriores a la existencia d’un dîous particular; todes ermanes & todes infinitesimales. L Apuœsta de Pascal solina nun ye a actualizar esses probabilidahes, puœis el raciocinio solo s’applica al dîous verdadeiro d’ente una cifra infinita de dîouses possibles. In sin mas informaçones que seyan a reduzir esta asseveraçon, les possibilidahes d’adorar inadvertidamente l dîous que nun fhai falta son una certeza pràctica. Solo quando la probabilidà d’un dîous particular d’existir xorreç, torna-se util l Apuœsta de Pascal, esto ye, si un dîous fhuer a designase cun una mera possibilidà de se’l ùnicu dîous verdadeiro, l Apuœsta de Pascal apresentarìa beneficio nidio. Por esso, a qualquiera persona constricta por una tendencia a un dîous particular, l Apuœsta ye-y mũîtho mas nidia & favorable a la suâ fe.
 

Antidîouses

Si daquien anda dispuœsto a acceitar q’existe una quantidà infinita de divinidahes, l Apuœsta de Pascal lheva a una conclusion per-interessante.
 
Primeiro: podrìa haber una cifra infinita de dîouses possibles. Por? Ha hi una cifra illimitada d’attributos q’un dîous ye a tener. Si dous dîouses tienen attributos differentes, son differentes. Por exemplo, Dîous A tarreç los plàtanos, ente tanto al Dîous B presten-y los plàtanos, ente tanto l Dîous C ye indiferente a los plàtanos, ente tanto al Dîous D presten-y los plàtanos media parte de lo q’al Dîous B, ente tanto al Dîous E presten-y los plàtanos doblre q’al Dîous B. Attributo differente significa dîous differente; nun ha hi lìmite pal tamanyu del total de los attributos divinos; ansì, el tamanyu l total de todolos dîouses ye infinitu.
Segundo: Del total infinitu dîouses que possiblemente exista, necessariamente existirà un dîous que concase cun todo & cun qualquier systema de recompensa / castigu de la xhente na vida ultraterrenal. Esto ye por, nel total infinitu de los dîouses, tener d’occurrir todu attributo possible d’un dîous. (Casu contrariu, nun serìa infinitu, una vez que diba tener daquè limite pa los attributos que los dîouses podrìen tener (a parte de ser possible). D’ende resulta que, por cada dîous n, necessariamente ha existir un dîous – n, que arrecompense / castige a la xhente por exactamente l oppuœsto de lo que l dîous n fhai.
L apostilha modificada serìa expressable na planilha de n baxo (si l cielo val + 1α, val l Infierno -1α, & una vida non posterior val 0a):
dious real pascal
  1. Un atheo siempre recibirà 0a na vida ultraterrenal
  2. Un theìsta siempre recibirà 0a na vida ultraterrenal
  3. Un omnitheìsta siempre recibirà 0α na vida ultraterrenal
L Apuœsta conclui que todeles eleiçones son equìvoques.
 
Ansí, L Apuœsta de Pascal, quando ye modificada concasando cun la realidà, nun dà conclusion dala pa fe dala.
Por exemplo, l Apuœsta de Pascal affirma que ye meyor infhoutase n Dîous, por dir aquelhos que tienen infhoutu al cielo & aquelhos que tienen sfhoutu al Infierno si Dîous existier, d’outra maneira si Dîous nun existe, intos nada se pierde por tener fe. A esto ye a dase-y la vuœlta diziendo que ye meyor sfhoutase de Dîous, por dir aquelhos que tienen infhoutu al Infierno & aquelhos que nun tienen infhoutu al cielo si Dîous existier, magar que si Dîous nun existe, intos nada se ganhou teniendo fe.
 

Obiecçones

Que ye que los dîouses son egualmente probables?

L Apuœsta assume que nun ha hi pruœbes d’un dîous particular. Al nun tener conhocemiento que nos indique ser un dîous mas probable q’outro, andamus presos in raciocinios a priori. So raciocinios a priori, ente duês possibilidahes disconhocides, de les q’una ha existir, les duês possibilidahes tienen que s’acceitar egual de probables. Supponer que les probabilidahes son ermanes ye effectivamente egual a assumir que nun se conhocen les possibilidahes. Nel cabeiru anàlysis, resume-se n esto:
 
 
  • Dîous A tien qualidahes bloop, gloop & kwoop.
  • Dîous B tien qualidahes blerp, glerp & kwerp.
Qualo ye mas probable q’exista? Ye impossible dizilo, por nun se conhocer nada de nada d’esses qualidahes — ansì cumo nun se saber nada de les qualidahes de los dîouses na Apuœsta.
 

Nun son los antidîouses mènos probables que los dîouses normales?

Significa que nun son los dîouses que fhaen exactamente l oppuœsto q’outru dîous mènos probable que l dîous que s’anda copiando? Si acceitamus raciocinio d’una valoraçon de probabilidà a priori, nun tenemus motivos pa tener fe. Tanto l antidîous cumo l dîous son egualmente probables, pol amor de la nuœssa falta de conhocemiento d’elhos. Outra maneira de velo ye ansì: qual ye l dîous inverso? Si l Dîous A fhai l acçon Q, & l Dîous – A fhai l acçon -Q, qual dîous ye l imitador? como se ye a saber? ansì: non.

& Si varios dîouses existieren?

Intos, por cada un de los dîouses mùltiples, necessariamente existe un antidîous equilibrando les balances.

& Si se satisfai una cifra infinita de criterios de dîouses cun intençon d’intrar na bœna vida ultraterrenal ?

Intos, satisfairìa-se necessariamente una cifra infinita de criterios de dîouses cun intençon d’intrar na mala vida ultraterrenal. (Essos condemnahos antidîouses!)

& Si houbier una vida ultraterrenal que nun fhuer nin bœna nin ruina?

Si ye da fheitho neutro: nun dà mas. Si fhuer differente de zero: si la vida ultraterrenal del Dîous A val 1/2, intos la vida ultraterrenal d’antidîous del Dîous A podía valir -1 / 2α. In qualquiera scala, los nùmeros son a equilibrase.

 

Philistinismo Humano

l Apuœsta de Pascal fhai varios presuppuœstos de la naturaleza orgànica del theìsta n potencia abondo pessimistas, paroquiales & quanto si mas mesmamente essencialistas.
 

Applicabilidà de l Apuœsta de Pascal a los non-humanos

Que ye lo que l Apuœsta de Pascal significa mesmo pante seres sapientes que nun tienen alma ou polo mènos alma reconhocible pol theìsmo humano, cumo sapiencia artificial? & Quanto pante seres que tienen alma, magar que nun son da fheitho a afigurase l suffrimiento — ou la benevolencia?
 
Esso, por si solo, nun interessa mũîtho a la mayorìa de los laudatorios christianos, que son seres humanos tirando l picon a outros seres humanos, magar q’una vez que s’abre la possibilidà de que l Apuœsta de Pascal seya simplemente inapplicable a seres humanos sapientes, aina baltia n outru problema.
 

Applicabilidà de l Apuœsta de Pascal a Transhumanos

Visto que l transhumanismo anda na suâ infancia & mũîthes de les suês promesses mas difficiles egual nunca tyigaràn, val la pena considera’ lo q’aportarìa si podieren algamase. Considerai si los seres humanos fhueren a dissenyar gëneticamente un posthumano que nun fhuer da fheitho a experimentar dolor & angustia mental alhen d’un stau semeyante al Zen, tornando la idea d’una perdiçon infinita n sin xacìu. Ou considerai si la telediscarga de mentes fhuerr real; que significarìa pa la vuœssa alma star gozando de vida ultraterrenal ente tanto al in par la suâ entidà persiste n un servidor?
 

Existencia l alma

Esti ye l centro l problema. Todeles evidencies ãpunten a una “persona phýsica”. Quala ye “l alma” q’existe ultraterrena? Tala parte tenrìa de ser non orgànica & non modificable, & elho nun existe. Los nuœssos pensares, sentires, memoîres & personalidà mostraran ser provenientes d’interacçones nel cerebro. Tamien y affecten les hormones, droges, alcohol, traumatismu cranial & outros factores phýsicos. Dal balbucidu philosòphicu ye a camudar esto.
 
Por un simil: digamus que vòs (nun lo fhaer in casa, ho!) tirais el vuœssu computador d’un edificio quattro plantes, baxais curriendo polos restos oîtho vezes & tirais los restos al mar, el computador indagora andarà a caso executando l Windows n outru planu d’existencia?
 

Impossibilidà racional

Ha hi xhente que considera partes d’esti scenario cumo contradictories por razon, ou incompatibles cun la realidà, lo que lheva a attribuir una probabilidà zero al resultau del “infierno christiano”.
 
Esso ye a ser ansì por pensar que l dîous christiano ye impossible ou se define de fhorma contradictoria, por nun pensar q’un dîous tan benèficu ye a mandar daquien al Infierno, ou por pensar que l proprio Infierno ye impossible. Esti últimu argumento ye a basase n pensar que l dolor requier un cuœrpu phýsicu, ou nel argumento de que la mente humana ye limitada & incapaz de suffri’ la tortura eterna. Si se vos tortura diez vezes ente que stais vivos, seríades “vòs mesmos” ya mas? Que tal de puœis d’un milhon d’anhos? Un trilhon? N algun sfregante, a 10 ou 10.100 anhos de magar hagora, serìa de sperar que la vuœssa mente se franyer ou “s’avezare a elho”, probablemente intrambos. Qualquiera possibilidà excluye la experiencia del repentimiento & del suffrimiento infinitos.
 
Infelizmente, argumento semeyante ye a ser fheitho n relaçon al cielo. Un altor eternu paeç-y impossible a una creatura limitada, intos, dir al cielo mal serìa possible si daquien se transformare n daquè non solo differente, ma mesmo irreconhocible pol sou proprio you terrenal; n essi casu, quien anda castigando-se / recompensando-se nun sois realmente “vòs”. Tamien tien un que s’introgar si la bienaventurança eterna ye todo lo que ha hi que mereça la pena.
 

El Poder de “tener fe”

N outros assumptos, persona sensata dala se comportarà de maneira tan irresponsable ou repousarà contenta cun tan pouco fundamento nes suês oppiniones & cun les lhinyes que marca. Solo nes couses mas elevades & sagrades se permitte fhaelo. Na realidà, estos mal son intentos de pretendese a si mesmo ou a outres persones q’indagora se tien firme apegu a la fe, quando quantíssimo ha ya que se deixou.
Sigmund Freud , Futuro d’una Illusion [3]
Talvez el nucleu l Apuœsta seya assumir q’un ser humano tien el poder de tener infhoutu n daquè por un actu volitivu: non solo por dizir que daquien tien fe, mass, de facto, cun sinceridà, infhoutu n que seya verdà. Conhoç-se cumo voluntarismo doxàstico; ye probable que la mayorìa la xhente nun seya a fhazelo deliberadamente. Les fes son mũîthes vezes involuntaries; polo mènos vòs (sì, vòs) teneis un infhoutu involuntariu n que stais experimentando l mundo. Tamien, teneis un infhoutu involuntariu n que daquien, ayuri, da quando nel tiempu, dixo esses mesmes pallabres. De la mesma fhorma, ye diffícile tener infhoutu n couses que se saben ser falses. Considerai cumo vòs arresponderíades si daquien vos dixer que piensa que la tierra arrepousa na parte da tras d’una tortuga immensa. Mesmo si tuvierades una inclinaçon a “resolver” essi problema diziendo q’un infiel ha de s’associar cun fieles, assistir a servicios de cultu, &c. ta q’elho inspire fe, esto ye essencialmente: “falso ta q’a elho se tyega”. La efficacia d’elho ye altamente questionable.
 
La lhibertà d’acçon, ente tanto, ye abondo differente. Ye daquè que la xhente tien mũîtha mas lhibre voluntà d’exercer – pa que daquien seya lhibre d’adorar a Dîous in sin fe. La question, por tanto, ye si Dîous tien el Poder de detectar tal ardil ou tala fe na fe, ou si Dîous serìa feliz por tener xhente “falsiando” la fe de tala maneira.
 
L Apuœsta de Pascal tien, no mìnimo, de cumplrir unu de los presuppuœstos que vienen a ende:
 
  • Q’essi voluntarismo doxàstico ye possible.
  • Q’a Dîous nun y importa (ou nun ye a captar cun sigo) si vòs “sois falsos”.
Un d’elhos conhoç-se por star tracamundiau, l outru ye theologalmente questionable, conforme se discutirà na pròxima secçon.
 

Maldà infinita del Infierno?

La utilidà ye una medida de quanto de bœna ye una cousa hagora — n economìa, basicamente, intruga “quanto de probable ye que daquien quiera tanto una cousa cumo pa la comprar”. La utilidà residual ye un conceitu relacionau q’intruga cumo esso camuda a medida que vòs cominçais a tener mas dalgo. L Apuœsta de Pascal & l sou usu ràpidu & suœltu de ganhancies & perdiçones basa-se n esti conceptu. Supponèi que dir pal Infierno seya infinitamente lhaceîroso, in quanto dir pal cielo seya infinitamente prestoso.
 
Considerai que la vida ultraterrenal dure infinitamente. La utilidà residual affirma que la recompensa sentida na vida ultraterrenal ye nidio que diminuirà cul tiempu, & que l castigu sentidu n Infierno acabarà por passar de “dolor glayando” a “ai” de puœis delhos milhones d’anhos ou mas – lo q’indagora ye meyor in comparança cun infinidà. Por tanto, de media, la utilidà residual de qualquiera experiencia na vida ultraterrenal probablemente serà infinitesimal. Magar esso nun refute la existencia d’una vida ultraterrenal, ye argumento commun contra la conveniencia d’una vida ultraterrenal infinita & affecta les consequencies de l Apuœsta mũîtho. Considerai un pagu de loterìa d’un milhon de dòllares … pagu n vezes d’un dollar per anhu, por exemplo. A continuaçon, considerai un pagu de lotería d’infinitos dollares … pagos n un únicu centavu cada sieglo. Lo postreiro inda darà “ganancia infinita”, solo que cun una utilidà residual quasj que zero.
 
Tamien ye importante notar que delhes versiones del buddhismo & del hinduismo characterizen el cielo & l Infierno cumo staçones temporales que distrahen del verdadeiru fin de tyigar a la Illuminaçon & que ye a algamase mesmo n essos reynos.
 
Esta recontextualizaçon quantifica la ganhancia sentida por infhoutase n Dîous considerablemente, & indica que la recompensa na vida ultraterrenal nun supera necessariamente les perdiçones finites n una vida mortal.
 

Siesgu xhudaico-christianu

Visto que ha hi una cifra infinita de couses de les que nun ha hi evidencies, ye una apuœsta per-probe cumo pa gastar qualquier cousa n una d’elhes.
-Usuariu M31, Pharyngula [1]
Outra crìtica commun ye que l Apuœsta mal tracta a penes de la figura tradicional xhudaico-christiana d’un dîous q’arrecompensa a los sos segidores. Podría afigurase una riestra d’alternatives, mũîthes de les quales son segides por partes de la poblaçon mundial. Una possibilidà ye que l verdadeiru dîous nun seya christiano, ma xhudìo, muçulman, hindù, buddhista ou dîous d’una de les mũîthes outres fes existentes. Nel sou ensayu, Pascal discarta todeles fes non-christianes cumo possibilidahes in sin menta’l por què. Per outra parte, dientro del cristianismo, ha hi cerca de 44.000 denominaçones, stremen-se cada una nes interpretaçones de lo que fhai que la xhente gane un bilhete pal cielo ou pal Infierno, intos quala ye la eleiçon cierta? Pascal tamien ignora l universalismo christiano q’arremonta a polo mènos 1648 & affirma que Dîous concederà la salvaçon a todolos seres humanos.
La Biblia diz couses cumo “doblarà toda rodiya, toda lhingua confessarà”. Tien versìculos q’impliquen annichilaçon & non l Infierno. Tamien affirma que Yahveh ye un dîous amoroso. Outres fes q’affirmen l Infierno nun dizen couses tales. Intos, segun essa apuœsta , los christianos han de convertise al Islam por promitte’l Alcoran Infierno a los infieles, in quanto la Biblia tien declaraçones polèmiques n esto – specialmente considerando que l Infierno descripto nel Alcoran ye mũîtho mas disagradable que les suês descripçones ambigues na Biblia.
 

Egomanìa?

L Apuœsta assume que Dîous s’impressionarà, & arrecompensarà a la xhente que lo adora solo por evita’l Infierno. Un ser todo–poderoso (ou per-poderoso) ganharìa pouco cun la fidelidà mental de los seres humanos. De la mesma maneira, serà abondo inùtile pa un humano persuadir a los habitantes d’un fhormigeiru a adoralo. Les constantes harenges & demandes d’adoraçion pol Dîous abrahàmico cumo s’affirma nel Vieyu Testamento indiquen que ye a ser solo una cousa del ego.
 

Dîous perverso

Outra possibilidà ye que l verdadeiru dîous seya un dîous perverso que condemnarìa a los sos adoradores & premiarìa a los infieles simplemente por una question d’ironìa, [4] ou la idea maltheìstica de que los “dîouses” son entes spirituales que yos comen a los sos adoradores les almes ultraterrenales. [5]
Per outra parte, l Apuœsta mal permitte a penes un dîous verdadeiro. Si houbier mas d’un (cumo nes mythogoníes griega & romana), un segidor de Pascal ye a offender a un dîous poderoso al adorar un mas flraco, lhevando-lo a condemnase magar la suâ adoraçon.
 

Conversion pòsthuma

L Apuœsta tamien assume que n passando l puntu de non retornu & tener recibido los sous xhustos pagos, la divinidà nunca camudarà el sou Pensar nel futuro – casu contraîriu, nun ye realmente una perdiçon / ganhancia infinita, acuei? Ente tanto, existen casos mýthicos d’individuos excepcionales q’experimenten una inversion de la destinaçon celestial. Bien famosu ye Satan &, in minor medida, Adam que gozaba d’un passeu lhibre de ganhancia infinita ta q’offendîu a Dîous. Tamien nun ha hi garantía de que l Infierno seya infinitamente lhacerioso tamien. Satan, por exemplo, podrìa transformavos in demonios modernos ou suavizar & remocica’l submundo n una articulaçon classicamente beatnik cumo n Don Juan in Hell.[6] Ou Dîous podrìa repentise cumo fhexziera primeiro & teletransportar todolos peccadores pal cielo [7] .
 
Toda la question d’una tyamada rutina de recompenses infractible torna-se indagora mas ingidiyada al fhalar de la interpretaçon christiana, mormona ou muçulmana de YHVH. Esses fes stremadamente admitten que Dîous camudara unilateralmente l aliança suppuœstamente infractible que diera a los adoradores anteriores. Que exactamente, aculhà del pleitu special theìsta, impide a Dîous que modifique l fhazer comunya cun los sos segidores?
 
A parte, si vòs teneis infhoutu n una deidà non tan omnipotente ou que nun se preoccupa de la destinaçon del sitiu u morreis, tampouco ha hi garantía de que n dèl intre del futuro paraiso & / ou perdiçon, nun lo destruirà ou lo alterarà dalguna fhorma quando steades gozando de la vuœssa “recompensa”. Vamus ver quanto vos presta l Valhalla lhœw de Hastur annichila’l sou tuntu campu batalha cun los sous enormes tentàculos enormes spaciales!
 

Fe ciega

Una maneira de contestar esta Apuœsta ye substitui’l Dîous xhudaico-christiano de Pascal por un dîous perverso que castige aquelhos que tienen infhotu n sin evidencia, & arrecompense aquelhos que nun lu tienen. Notai q’esso nun presuppon que la Biblia & outros textos sacros nun s’inspiren divinamente: essi dîous podrìa tenela scripto cumo pruœba de credulidà. Importante, al se’ l Apuœsta de Pascal solo a funccionar si vòs ameyorais la probabilidà anterior d’existencia d’un qualquier per riba los outros (lo que normalemente nun aconteç n argumento theologal dalo) esta Apuœsta ye da fheitho vàlida tanto cumo la formulaçon primitiva de Pascal:
 
Dîous existe
Dîous nun existe
Infhoutu n Dîous perdiçon infinita n infierno perdiçon insignificante
Sfhoutu n Dîous recompensa infinita n cielo ganhancia insignificante
L Apuœsta assume existir una razon autoevidente p’arrecompensa’l infhoutu ciegu. Por que l infhoutu d’un fiel ye meyor que l puxu personal del infiel que lheva una vida excepcional? Por que una divinidà prefier l infhoutu ciegu a la submission basada n evidencies? Esti systema de fes theòriques apresenta un scenario win / win a los atheos & un scenario perder / perder p’aquelhos que tienen infhoutu n Dîous. Una vez que les duês idees contrastantes d’un dîous specìfico son razonablemente equivalentes in tèrminos de probabilidà, l atheìsmo revela-se cumo lo que tien el mayor potencial de ganhancia, negando da fheitho & effectivamente arrevertiendo l argumento de Pascal. Alcordai-vos, esso ye egual d’empiricamente probable cumo l Apuœsta de Pascal, & hagora fhai-nos falta tener una possibilidà de 50:50 de que l Apuœsta de Pascal seya verdadeira ou q’esta outra seya verdadeira.
 
L argumento verdadeiro orienta-se na direcçon oppuœsta: Dîous existe (you suppongo) & nun sou a velo, por tanto, tien de tener un motivu pa nun se monstrar. Por tanto, daquè habrà pa min si you y sigo l xhuœw.
 

Cultu

Legalidà l cultu

Ye duldoso que la xhente seya a forçase a si mesma a tener infhoutu no que quixheren. In cuœntes de considerar si daquien ha tener infhoutu n Dîous, essa inversion considera-se una bœna tàctica pa una persona de bœna reputaçon social, d’outra fhorma, pretender tener infhoutu n Dîous (assumiendo ser Dîous a caltriar pente una fe falsa & non movida pol cultu insinceru — cun lo que la mayorìa los christianos probablemente concordarìen):
 
Dîous existe
Dîous nun existe
premia obres arrecompensa fe
infhoutu falsu castigu castigu perdiçon finita (falsedà pa si mesmo)
infhoutu honestu recompensa castigu ganhnancia finita (vida honesta)
Cumo indenantea, falsia’ la fe ye difficilmente una tàctica meyor que ser honesto na infidelidà, a mènos que l castigu por infhoutu falsu (tentando d’inganhar a un dîous) seya mas lhandiu que l por ser incrèdulo. “el verdadeiru fiel” deixa-se a fhuœra, por se’ la premissa ende que la fe ye daquè q’occurre peles interioridahes & nun ye una fatsada, & a los incrèdulos simplemente nun yos passa esso.
 
L auctor de fantasìa satìrica Terry Pratchett tien una version de l Apuœsta de Pascal nel lhibru de so intitulau Hogfather: “de puœis de la suâ muœrte, el philòsophu n question atopou-se arrodiau por un carrapielhu dîouses bederres cun maces. La postrer cousa q’elhi ascuîthou fhoi “veniemus a insinyati cumo lhidiamus cul senyor Tuntu Pirulu a ende… “
 

Cultu correctu

Quando los christianos m’appliquen l Apuœsta de Pascal, solo yos digo que tienen razon, & intrugo-yos el camin a la mazquita mas próxima.

Assumiendo argumenta’ l Apuœsta de Pascal solo pol Dîous christiano (strẽithando-lo indagora mas a monotheìsta & a abrahàmico), existen una riestra sectes & subsectes q’adoren de differentes maneires. Ha hi les que requieren condiçones mas rigoroses pal cultu adequau q’outres, & delhes contradizen-se da fheitho. L Apuœsta solina, da veres, nun affirma cumo evitalo — presumiblemente solo sige lo que Blaise Pascal dixo. Intos, si nun se fhaen abondos rituales necessarios pa una adoraçon adequada, inda se vaî pal Infierno, nun se compensando por qualquiera outra perdiçon basada n compassion nes que s’incurriera.
 
Considerai si Dîous decidier que la maneira Mormona d’adoralo ye la correcta & que la maneira cathòlica ye incorrecta. Intos, confrontàmunos cun haber de tener infhoutu n un dîous al que y vagou quasj que toda la historia humana revela’ la maneira correcta de passa’ la pruœba! Na verdà, nun importa quala fe històrica nòs seleccionàremus, a Dîous vagou-y la mayor parte de la historia humana pa revela’ la maneira correcta de passa’ la pruœba.
 
Alternativamente, considerai l que dala de les fes t’hagora mesmo tenga razon. Comportando-vos de fhorma aleatoria, tenrìades opportunidahes de vos axhuntar a qualquiera fe particular ou secta. Ciertamente, una vez que los seres humanos nun tienen cumo saber de que maneira agraden a Dîous, ya nin se preoccupen de lo tentar; una pequenha ganhancia mas diendo pal Infierno ye meyor q’una pequenha perdiçon & n toda vìa se vaî al Infierno.
 
Alternativamente, cumo opçon, considerai si una fe anterior tuvo razon nel a hieri, solo que spuœis essa fe morrîu n sin maneira dala de replicar da feitho los sous rituales. Si, digamus, los càtharos conhocìen el camin ciertu d’intrar in cielo, la cruzada albigense quasj que permanentemente sfhixzo qualquiera lhinya d’ascension celestial – tornando l adoraçon de qualquiera n sin dal xacìu.
 

Costu finitu del cultu

Una supposiçon occulta de l Apuœsta de Pascal ye que l costu del cultu ye, effectivamente, infinitamente pequenhu, dalguna forma. Magar esto paeça se’l casu d’actividahes humanes limitades realizades na nuœssa existencia mortal, cumo oraçon ou participaçon na eglresia, delhes fes, de facto, requieren puxos non triviales (por exemplo, el requisitu del Islam de rezar cinco vezes al dìe ) & outres requieren un pagu n sin fin dalguna fhorma que nunca mas se recuperarà; considerai l dìzimu, por exemplo. Esto s’applica, sobre maneira, a la fe xhudaico-christiana; si se y fhai casu al Lhibru del Apocalypsis, una vez que los eleitos realmente acaben in cielo, lhavarà-se-yos el cerebro p’adorar a Dîous pela eternidà & perder una parte de la suâ identidà & nunca mas recuperase.
 
Si vos avulta q’esso inda serìa una compensaçon axiomaticamente acceptable, introgai quanta xhente andarìa dispuœsto a trocar una exitencia immortal d’hedonismo & gozo n The Matrix, si esso significare scudase pa siempre de la verdà, la quantidà de xhente q’affirme q’esti nun ye commercio xhusto serà differente de zero.
 

L Apuœsta del atheìsmo agnòstico

Senyor, fhixzi lo meyor que pudi cun les fherramientes que vòs mi concedîstis. Distis-mi un cerebro pa pensar cun scepticismo & usei-lu cumo fhazìa falta. Dîstis-mi l Poder d’argumentar & appliquei-lu a todeles revindicaçones, incluyendo la de la vuœssa existencia. Distis-mi un sentidu moral & sentì les penes de la culpa & les allegrìes de la proua poles couses ruines & bœnes que scoyì fhaer. Procurei fhaer cun outros cumo mi prestarìa que fhexzieren cun migo, & magar andar you lhuœnye d’essi ideal mũîthes vezes, procurei applicar essi principio fundamental siempre que pudi. Seya cumo fhuer la naturaleza de la vuœssa essencia spiritual immortal & infinita, you cumo ser corporal finitu, nun sou quien a afigurame-lo magar los mîous mayores puxos, & por tanto fhaèi cun migo lo que quexhieredes.
Michael Shermer [8]
Intrambes apuœstes affirmen q’aquelho n que se tien infhoutu & cumo s’ha d’actuar na vida ye a determinase independentemente de Dîous existir, comparando les consequencies de differentes effectos – essencialmente l administraçon de riesgos. Sì q’ansì, stremen-se nos sous presuppuœstos theologales & ansì puœis concluen de forma differente.
 
La AA assume una fhorma semeyante a l Apuœsta de Pascal na medida n que compara les consequencies cun base na fhorma cumo actuar na vida. Per outra parte, strema-se n los sous presuppuœstos theologales; esta presuppon que Dîous nun caltien l infhoutu ciegu cumo factor importante al decidir quien vaî al cielo & quien vaî pal Infierno. Magar nun existir una redacçon exacta & official, l Apuœsta d’atheìsmo agnòstico, conforme stablicido n baxo, ye attribuida al cartafhuœyu electrònicu An Agnostic Atheist. L Apuœsta diz:
 
Tanto si se tien infhoutu n Dîous ou no, habrìa-se de vivi’ la vida cun amor, bondà, compassion, misericordia & tolerancia procurando torna’l mundo un sitiu meyor. Si nun ha hi Dîous, nun se pierde nada & tenrà un impactu positivu p’aquelhos que vos arrodien. Si houbier un dîous benevolente q’arrepasse la vida, xhulgarà les acçones & non solo el poder tener fe ciegamente, quando ha hi una falta significativa d’evidencia d’existencia de qualquier Dîous.
 
Al contrario de l Apuœsta de Pascal, que ye argumento de fe n Dîous, l Apuœsta Agnòstica Athea n esta forma nun ye specificamente argumento pal atheìsmo. Nun ye ma una xhustificaçon postfacto d’una fe, particularmente si se minaça cun fhœw, sulphuro & condemna eterna por un evangëlista. El fheithu de nun ser strictamente argumento proatheìsmo racional sì q’ansì nun ye un problema, puœis la AA ye argumento de cumo s’haber de comportar & solo ye una refutaçon & una resposta de l Apuœsta de Pascal. Mũîthes vegades, expande-se a partir d’esta fhorma de varies maneires. Una addenda ye declarar q’un dîous que dirìa xhulgar una bœna persona puramente cun base n si ou non la persona tien infhoutu ou lo adora n cuœntes de por ser una bœna persona, nun serìa realmente un dîous que valier la pena adorar, & mesmo, vivir in cielo cun tal creatura diba ser peyor que qualquier infierno. Una extension addicional lheva n consideraçon les perdiçones potenciales de tener infhoutu n Dîous, si realmente nun existe – dir a eglresia, rezar, segi’ los dictames morales que son a ser ethicamente questionables &, polo commun, sperdicia’l tiempu. Cun essa expansion, ye a considerase cumo argumento pal atheìsmo, solo que nun ye specialmente fhuœrte, puœis el costu/beneficio de la pràctica de la fe, assumiendo nun existir Dîous, ye per-subiectivo.
 

Comparando apuœstes

Una fhorma tabulada de l Apuœsta de Pascal ye a ser apresentada cumo n baxo. Cumo probablemente rescampla, les meyores consequencies associen-se a tener infhoutu n Dîous:
 
Dîous existe
Dîous nun existe
infhotando-se n Dîous ganhancia infinita n cielo perdiçon insignificante
sfhoutando-se de Dîous Perdiçon infinita n infierno ganhancia insignificante
L Apuœsta d’atheìsmo agnòstico compara-se a esso, addicionando un strato extra n relaçon al comportamiento de la persona & cumo Dîous lo lhevarìa n consideraçon, al reves d’unicamente l infhoutu ciegu de la persona. Conforme se mentou a riba, considera-se esso polos defensores de la AA cumo un presuppuœstu theologal mas xhustificau.
   
Dîous existe
Dîous nun existe
siendo bœna persona cun infhoutu n Dîous ganhancia infinita n cielo vòs fhexzîstis del mundo un sitiu meyor                     vòs perdîstis el tiempu teniendo fe
cun sfhoutu n Dîous ganancia infinita n cielo vòs fhexzîstis del mundo un sitiu meyor
siendo mala persona cun infhoutu n Dîous perdiçon infinita n infierno la xhente piensa ser vós idiotas                                    
vòs perdîstis el tiempu teniendo fe
cun sfhoutu n Dîous perdiçon infinita n infierno la xhente piensa ser vós idiotas

Crìtica

Por tanto, la AA propon que les consequencies mas positives s’associen al comportamiento & son independientes de la fe conforme lo propuœsto por Pascal. Assumiendo la fe n casu d’inexistencia de Dîous, & perdiçon de tiempu, la opçon mas favorecida ye ser bœno & sfhoutase.
 
Magar la supposiçon theologal de que Dîous xhulga mas segun les acçones que pol infhoutu n Dîous ye favorable a los atheos & a los fieles, & tamien mas in consonancia cun descripçones de Dîous cumo bœn character, indagora ye una supposiçon. Por tanto, la AA cai, si essa supposiçon se revelare falsa, solo que nada mas in casu de Dîous existir a penes — & la mayorìa de les evidencies reales indiquen lo contrario, lo qual ye l puntu.
 
Cumo la propuœsta de Pascal, la AA suffre cul fheithu d’existir varies fes. La de Pascal por haber de selecciona’ la fe “correcta” al tener fe, & l agnóstica athea, por poder differentes fes & interpretaçones de Dîous considerar couses differentes cumo “bones”. In delhes fes, simplemente sparce’ la pallabra dessa fe ye un bœn actu n si mesmu, & por esso la Madre Teresa ye considerada una santa quando nunca houbo a quien adiudare da veres. Una doutrina christiana particular, sola fide, affirma litteralmente que la salvaçon vien “pola fe solo” & ye la marca distintiva de la fe protestante – magar declara’ los defensores de la AA, cumo indenantea, simplemente q’esso fhai de Dîous un fatu da fheitho & nun val la pena adoralo cumo un bœn ente.
 

Consideraçones addicionales

El focu de la AA nel comportamiento, & non na fe, ye a expandise tornando-la independiente da fheitho de Dîous. Mesmo si nun nos eleva al cielo, ser una persona bœna tiende a tornar a los outros mas cumo nòs outros & talvez ta los inspire a fhaer egual. Essos factores limiten-se al mundo vivo, que ye real & nun tien nada que ver con vida ultraterrena, que mal ye una probabilidà flrouxa. Visto q’esta vida ye ciertamente real (en determinahos valores de “real”) & q’ameyora’ les circumstancies n esta vida contribuye a una meyorìa garantida, ye favorable ser una bœna persona por essa razon, non por una razon que mal ye una possibilidà pequenha. Esta ye la base la campanya de “ser bœno pol amor de Dîous” indossada por varios collectivos humanistas.
 
Si bien l Apuœsta de Pascal ye argumento theologalmente falho, el principio tien applicaçones n outros aspeitos de la vida, cumo investimiento & apuœstes – puramente por ser razonables los aspeitos de la theorìa l xhuœw – & l Apuœsta de Pascal rescampla pol nome cumo una correlaçon u tales comparances ganhancia / perdiçon son possibles de fhaer. In summa, apresenta una maneira de lhidiar cun la incerteza al valorar non la probabilidà, ma solo la magnitude de les ganhancies potenciales in relaçon a les perdiçones. Na “Apuœsta de scalecemiento global”, la comparança fhai-se ente procurar adiudar al medio ambiente & nun adiudar al medio ambiente. Independentemente de tene’l infhoutu de se’l calentamiento global una farsa ou fraude (& independentemente d’unu andar bien ciertu d’elho), el meyor resultau inda ye defende’l mediu ambiente – alias “& si ye un gran inganhu & creamos un mundo meyor pa nada?”
 
Na Apuœsta, tener infhoutu n Dîous produz la ganhancia mayor in tanto que sfhoutase produz les mayores perdiçones. Esti principio de comparança de potenciales ganhancies & perdiçones ye una maneira d’assegurase evitar cignes negros cumo eventos (“indeblez” & “anti-indeblez” segun l auctor de Black Swan Nassin Taleb), particularmente n economìa. Por exemplo, colloca l 100% de los fondos proprios n un ùnicu investimento lheva a una possible perdiçon – independentemente de les probabilidahes, que total son disconhocides – del 100% de los fondos. Tal eventu serìa una perdiçon mayor que si se sparcen los fondos in mũîthos investimentos unde un ùnicu falhu nun ye devastador, sì q’ansì les possibilidahes d’èxitu augmenten un pouco. Les probabilidahes reales son irrelevantes; ye simplemente una maneira d’evitase la possibilidà de que nun tengades suœrte. La intruga ye quala ruta evita les peyores consequencies possibles.
 
& l mesmo pensamiento anda per tras de les soluçones al dilemma del prisioneiru. Visualizar eventos disconhocidos cun los wœyos de l Apuœsta de Pascal elimina la necessidà d’intender esses probabilidahes per tras de los eventos por poder toma’ les decisiones maximizando potenciales beneficios & minimizando los danyos. De cierto, essi ye l propriu aquel de l Apuœsta si se y spulgen les implicaçones theologales.
 

Cumo una fherramenta doctrinaria

Cumo la mayorìa los argumentos de la existencia de Dîous, paeç mas tranquillizar a los fieles existentes que convertir infieles. Elho por haber de probar un argumento theologal, convenciendo a un infiel, de que l Dîous que defende ye l Dîous Verdadeiro & refutar todeles outres possibilidahes. La xhente que nun tien fe ye a ve’l potencial de varios dîouses existente, de facto una bayura infinita, non obstante los fieles tiendan a cincar constrictos por una vision existente de que, ou el sou dîous existe, ou dal Dîous existe. Solo n esti ùltimu casu, el raciocinio per tras de l Apuœsta de Pascal tien daquè xacìu. [9]

Resume

Vèi tamien

Vìnculos externos

Referencies

  1. La necessidà de l apuœsta – Ye mirala & mangase unu a tyorar.
  2. Mesmo nel Paradise Lost Pandemonium de Milton ye una xhuntura per-casual de clubs de debate, folixes sexuales & olympiades demoniaques. Polo mènos ta que tolos peccadores humanos appaecieran & la intamaran cun destrui’l lhogar cun les suês queixes. Da nuœvo, John Milton yera un puritanu neciu, intos elho podrìa-y tener sido bien horrible personalmente.
  3. In sin mentalo, cumo na eternidà todo acontecerà mas ceho ou mas tarde, terminareis de fastidiala n quanto stuviereis in cielo & vaî-se-vos inviar al Infierno – a mènos que vos lhavaren el cerebro inda mas cumo primeiro se comentara &, cun todo esso, nun ye garantìa –
  4. Michael Shermer, The Believing Brain: From Ghosts and Gods to Politics and Conspiracies — How We Construct Beliefs and Reinforce Them as Truths, tyana 45.
  5. Ironicamente, essi raciocinio yera, de facto, inapplicable nos tiempos bìblicos, quando la Bíblia protestaba concretamente contra l tener infhoutu n Baal – que, confusamente, nun yera un dîous concreto per se, ma un tèrminu commun abarcando qualquier dîous local na atmòsphera polytheìsta d’aquelha.